Friday, July 23, 2010
പനി
കേരളത്തില് തിരുവനന്തപുരം എന്ന ജില്ലയില് മാത്രം എന്തുകൊണ്ട് ഇത്രയധികം പനിമരണങ്ങള് റിപ്പോര്ട്ട് ചെയ്യപ്പെടുന്നു? പ്രായമായവര് മുതല് കൈക്കുഞ്ഞുങ്ങളും ഗര്ഭിണികളും യുവജനങ്ങളും എല്ലാ തരം ആള്കാരും എന്തിനു പനിക്കു ചികിത്സിക്കുന്ന ഡോക്ടറും ഈ വ്യാധിക്കുമുന്പില് നിസ്സഹായരായി കീഴടങ്ങുന്നു. എന്തുകൊണ്ട് ഈ തെക്കന് ജില്ലയില്മാത്രം ഇങ്ങനെ? ഇത് വെറും മാധ്യമ സൃഷ്ടി അല്ല എന്ന് എല്ലാവര്കും അറിയാം. എല്ലാ വര്ഷവും ഈ ജൂണ് ജൂലൈ മാസങ്ങളില് എന്തെങ്ങിലും ഒരു പകര്ച്ച വ്യാധി കേരളത്തില് ഉണ്ടാകാറുണ്ട്. തെക്കന് ജില്ലകളില് ആണ് അതിന്റെ തീവ്രത എന്ന് മാത്രം.. എന്താ അങ്ങനെ? പക്ഷിപ്പനി, പകര്ച്ചപ്പനി, തക്കാളിപ്പനി, പന്നിപ്പനി ഇങ്ങനെ എത്ര വകഭേദങ്ങള് ആണ്. ഇവിടെ ഇത്രയും നാള് ഒരു 25 വര്ഷം ജീവിക്കാന് പറ്റി എന്നത് തന്നെ വലിയ കാര്യം. അടുത്ത വര്ഷം ഏതു പനിയാണോ ദൈവമേ അവതരിക്കുന്നത്?
Friday, July 16, 2010
the slapping gadget
കഴിഞ്ഞ ദിവസം ഓഫീസില് നിന്നും നേരെ കഴക്കൂട്ടത്ത് ഇറങ്ങി. അവിടെ നിന്നാല് വീട്ടിലേക്ക് ബസ് കിട്ടും. ചന്തവിള ആണല്ലോ നമ്മുടെ സ്വദേശം. ബസ് കാത്ത് അങ്ങനെ വരുന്നവരെയും പോകുന്നവരെയും നോക്കി അങ്ങനെ നില്ക്കുമ്പോളാണ് കുമുകുമാ ഒരു പുകപടലം ഇളംകാറ്റില് അങ്ങനെ രംഗപ്രവേശം ചെയ്യുന്നത് ശ്രദ്ധിച്ചത്. നോക്കിയപ്പോളല്ലേ രസം, നാലഞ്ചു ഉണക്ക അമ്മാവന്മാര് അവിടെ ആലിന്റെ ചുവട്ടില് ഇരുന്നു പുകവലിച്ചു മുന്നേറുകയാണ്. ആകപ്പാടെ പുകമയം....... വൈകുന്നേരമാണ്, സ്ത്രീകളും സ്കൂള് വിദ്യാര്തികളും ആയി ഒരുപാട്പേര് ബസ് കാത്ത് നില്പ്പുണ്ട്. അവര്ക്കിടയിലെക്കാന് ലവന്മാര് ഇങ്ങനെ നിര്ധാഷന്ന്യം ധൂളിപടലങ്ങള് ഊതി വിട്ടു രസിക്കുന്നത്. അവിടെ നില്ക്കുന്ന പ്രായമായ സ്ത്രീകള് ഇത് ഇഷ്ടപ്പെടാഞ്ഞിട്ടു മുഖം കൊണ്ട് ചില ഗോഷ്ടികള് കാണിക്കുന്നുന്ടെങ്ങിലും ഇവര് ഈ തൈക്കിളവന്മാര് അങ്ങ് അവിടെക്കിടന്നു വലിച്ചു വെളയാടുകയാണ്.
അതില് ഒരു വയസനെ കണ്ടാല് വല്ലതും കഴിച്ചിട്ട് നാലഞ്ചു ദിവസമായെന്നു തോന്നും, അത്രയ്ക്ക് വയ്യായ്കയാണ് അയാളുടെ മുഖത്ത്. എന്നിട്ടും ആശാന് ആലിന്റെ കടയ്കല് ചാരി ഇരുന്നു സപ്പോര്ട്ട് ഒക്കെ ഉണ്ടാക്കി ബീഡിപ്പുക മാക്സിമം ഉയരത്തില് ലോഞ്ച് ചെയ്തുകൊണ്ടിരിക്കുന്നു. അയാളുടെ ആ കറുത്ത ചുണ്ടില് ആ ബീഡി എന്ത് ബലത്തിലാണോ ആവോ ഇരിക്കുന്നത്? ഇടയ്ക്കിടയ്ക്ക് അയാള് ഇസ്സ്സ്സ്....... എന്ന് ചുണ്ടുകള് കോട്ടി ഒരു പ്രത്യേക തരത്തില് ശബ്ദം ഉണ്ടാക്കിക്കൊണ്ടിരുന്നു.
വേറൊരു വിദ്വാന് നല്ല കുടുംനാഥന്റെ ലുക്കില് ആയിരുന്നു. വീതുളി കസവുമുണ്ടും ടിഎച്ച് ഷര്ട്ടും ആണ് വേഷം, എന്നാലും കയ്യിലിരുപ്പ് ചില്ലറയല്ല. മറ്റേ വയസനുമായി ഒരു കനല് ഷെയര് ചെയ്ത് ഈ മാന്യനും പരാക്രമം തുടങ്ങി. ഇങ്ങനെ ഈ അവസ്ഥയില് രണ്ടുപേര് കൂടി ഉണ്ടായിരുന്നു. ഇവരെല്ലാം കൂടി ബഹിര്ഗമിപ്പിക്കുന്ന ഈ വിഷമയം ആയ പുക ആഞ്ഞടിച്ചുകൊണ്ടിരുന്നത് അവിടെ നില്ക്കുന്ന ഹതഭാഗ്യര് ആയ പാവം യാത്രക്കാരുടെ നേര്ക്ക് ആയിരുന്നു. പൊതുസ്ഥലത്ത് പുകവലിപാടില്ല എന്നൊക്കെ നിയമം ഉണ്ടെങ്ങിലും ഇവിടെ അതൊന്നും പാലിക്കപ്പെടുന്നില്ല ബ്രദര്. നിയമ പാലകന് ആയ ഒരു പോലീസുകാരന് തൊട്ടപ്പുറത്ത് വാഹനങ്ങളുടെ ബ്ലോക്ക് ഒഴിവാകാന് വേണ്ടി അവിടെ ഭരതനാട്യം കളിക്കുകയായിരുന്നു.
ഈ ബൈജു ഗാന്ഗ് അവിടെ നിര്ധാഷന്യം ഇങ്ങനെ അര്മാധിച്ചപ്പോള് എന്റെ ചോര തിളച്ചു മറിഞ്ഞു,പിന്നെ വെറുതെ ഇട്ടു തെളപ്പിക്കണ്ട എന്ന് കരുതി അടുത്തുള്ള കടയില്കയറി ഒരു കൂള് ഡ്രിങ്ക്സ് കുടിച്ചു .
മനുഷ്യന് ഒരുപാട് കാര്യങ്ങള് കണ്ടുപിടിച്ചിട്ടുണ്ട്. തെറ്റുചെയ്യുന്ന മനുഷ്യനെ ശിക്ഷിക്കുന്ന ഒരു യന്ത്രം അത്യാവശ്യമായി കണ്ടു പിടിക്കേണ്ടിയിരിക്കുന്നു. തെറ്റ് കണ്ടാല് തെറ്റ് ചെയ്തവന്റെ കരനക്കുട്ടിയ്ക്ക് ക്ക് അടിക്കുന്ന ഒരു പൊളപ്പന് യന്ത്രം. വ്യക്തി ബന്ധമോ ജാതി ബന്ധമോ ഇല്ലാതെ, മാമനെന്നോ മച്ചമ്പി എന്നോ ഇല്ലാതെ, അമ്മാവനെന്നോ അളിയനെന്നോ ഇല്ലാതെ എല്ലാവരെയും ഒരുപോലെ അടിച്ചു കവാലം പൊളിക്കുന ഒരു മോഡേണ് ഗാട്ജട്റ്റ്. പ്രധാനപ്പെട്ട കവലകളിലും റോഡ് സൈഡിലും പൊതുജനം എവിടെയൊക്കെ കൂടുന്നോ അവിടെയെല്ലാം ഈ യന്ത്രം ഫിറ്റ് ചെയ്യണം. ഇലക്ട്രിക് പോസ്റ്റില് ഫിറ്റ് ചെയ്താല്മതി. ആരും അത്ര പെട്ടന്ന് കേറി കൈ വയ്ക്കില്ലല്ലോ. ആരൊക്കെ എവിടെ എന്തൊക്കെ തെറ്റുകള് ചെയ്താലും ഉടനടി ഈ യന്ത്രം പ്രവര്ത്തിച്ചിരിക്കണം. എപ്പടി ബോയ്സ്? കോമണ് സെന്സ് ഇല്ലാതെ പൊതുസ്ഥലം തുപ്പിയും മൂക്ക് ചീറ്റിയും മൂത്രമൊഴിച്ചും വാളുവച്ചും വൃത്തികേടാക്കുന്നര്ക്ക് ഈ യന്ത്രം ഒരു പേടി സ്വപ്നമായിരിക്കണം.
ഒരു പരിസ്ഥിതി വാദി എന്നാ നിലയില് എന്റെ ഈ "വലിയ" മനസ്സില് തോന്നിയ ചെറിയ കാര്യം എങ്ങനെ ഉണ്ട്? ദൈവമേ ഇങ്ങനെ ഒരു യന്ത്രം വല്ലവനും കണ്ടുപിടിച്ചിരുന്നെങ്കില് ......
Tuesday, July 13, 2010
വായില് നോട്ടം ( പക്ഷെ അതല്ല വാസ്തവം)
ഒരു ബ്ലോഗ് എഴുതിയാല് എന്താ എന്ന് രണ്ടു ദിവസമായി ആലോചിക്കുന്നു. എന്നാപ്പിന്നെ ഇന്ന് ആ ചടങ്ങ് അങ്ങ് തീര്തുകളയാം എന്ന് കരുതി .. എന്തിനെപ്പറ്റി എഴുതും? ഒരു വിഷയം വേണ്ടേ? ഷിജു ചേട്ടനെപ്പോലെ ഒന്നും നമുക്ക് പറ്റില്ല ... തകര്പ്പന് ഭാഷയില് ഖണ്ടര്ക്ശോഭം ചെയ്യാന് . ... ആകപ്പാടെ അറിയുന്നത് പുറമേ കാണുന്ന കാഴ്ചകളെ പച്ച മലയാളത്തില് എഴുതി വയ്കുക എന്നതാണ്. ഓഫീസി ലേക്ക് പോകുമ്പോളും സ്ഥിരം ബസില് യാത്ര ചെയ്യുമ്പോളും പുറത്തെ കാഴ്ചകള് കണ്ടിരിക്കുക എന്റെ വിനോദമാണ്. വായില് നോട്ടമെന്നു ചില ലവന്മാര് പറയുമെങ്കിലും സത്യത്തില് അത് വായില് നോട്ടം എന്ന പ്രക്രിയ അല്ല.
ബസില് കയറിയാല് ആദ്യം സീറ്റ് കിട്ടാനുള്ള തത്രപ്പാടില് ആയിരിക്കും . കിട്ടിയാലോ പിന്നെ ബാഗ് ഒക്കെ സൗകര്യം ആയി ഒതുക്കി വച്ച് നമ്മുടെ കണ്ണുകള് പുറത്തേയ്ക്ക് എറിയുക . വഴിയരുകില് എന്തെല്ലാം കാഴ്ചകളാണ്? അങ്ങോളം ഇങ്ങോളം ..... എന്തിനാടാ ഇങ്ങനെ പിള്ളേരെ വാറ്റുന്ന കാര്യമൊക്കെ ഇങ്ങനെ പച്ചയ്ക് എഴുതുന്നത് എന്ന് ആരെങ്കിലും ചോദിച്ചാല് പറയാന് അതിശക്തമായ മറുപടി എനിക്കുണ്ട്. 'ബ്രദര് , ഇറ്റ് ഈസ് എ കോമണ് തിംഗ് എമങ്ങ് ഗയ്സ് ....' അല്ല പിന്നെ .. പിള്ളേര് മാത്രം അല്ലല്ലോ പിന്നെയുമില്ലേ കാഴ്ചകള് ....? ഇന്ന് കേസവധാസപുരത്ത് കണ്ട ഒരു ഹോര്ഡിംഗ് - വെറും 5 രൂഫയ്ക് (സോറി രൂപ എന്നാ പദം ഭയങ്കര സ്റ്റാന്ഡേര്ഡ് ആണ്, സൊ രൂഫ ഒണ്ലി ) 1 ദിവസം ഇന്റര്നെറ്റ് അരുമാദിക്കാം എന്നാ പരസ്യം ... പിന്നെ ഒരു ദിവസം കൂടി വേണമെങ്ങില് വേറെ എങ്ങാണ്ട് കേറി അക്കൗണ്ട് തുടങ്ങി പേര് രജിസ്റ്റര് ചെയ്യണംപോലും ..... എയര്സേല്ലിന്റെ വകയാന്നു പരസ്യം .... അങ്ങനെ പോകുന്നു ഒരു കാഴ്ച..
പട്ടം എതാരാകുമ്പോള് രക്ഷിതാക്കളുടെയും പിള്ളേരുടെയും മരണപ്പാച്ചില് കാണാം, അടുത്ത് സ്ക്കൂളല്ലേ ,ട്രാഫിക് ബ്ലോക്കിനെ പറഞ്ഞാമ്തിയല്ലോ , നമ്മുടെ റോഡ് അല്ലെ ... (എന്റെ കേരളം എത്ര സുന്ദരം എന്ന് ആ പഴയ ജര്മന് അമ്മച്ചി ലൂബ ഷീല്ഡ് പറയുന്നതാണ് ഓര്മവരുന്നത് ). ഇങ്ങനെ ഓരോന്ന് കണ്ടു വെള്ളമിറക്കി നിര്വികാരനായി കോട്ടുവായുമിട്ടി രിക്കുമ്പോളാണ് പട്ടം ജങ്ക്ഷന് എത്തുന്നത് ... അവിടെ ട്രാഫിക് സിഗ്നല് റെഡ് ആണെങ്ങിലങ്ങു അപ്പുറത് പോയി ഇറങ്ങണ്ട , നേരെ ഓഫീസിന്റെ ഫ്രോന്റില് ഇറങ്ങാം ,ബസ് സ്റൊപ്പ് ആയാല് ചാടി ഇറങ്ങി ഡോര് വലിച്ചു അടച്ചു എത്രയും വേഗം ഫുട്പാത്തില് കേറിയില്ലെങ്കില് വല്ല വണ്ടിയും വന്നു ഉമ്മ വച്ചിട്ട് പോകും , ആദ്യമൊക്കെ ഈ സാഹസം ചെയ്യാന് എനിക്കിഷ്ടം ആയിരുന്നു .ബട്ട് ഗയ്സ് ഒരു ദിവസം ട്രാഫിക് പോലീസ് കേറി അങ്ങ് റോങ്ങ് ആയി , ഓടെടാ ഡാഷ് മോനെ എന്ന് വിളിച്ചു പറഞ്ഞു .... ഹലോ പോലീസ് ഞാന് പബ്ലിക് സര്വീസ് കമ്മീഷന് ലെ ഒരു കൂടിയ ഉദ്യോഗസ്ഥനാ എന്നൊക്കെ പറയാന് എന്റെ നാക്ക് ചൊറിഞ്ഞു വന്നതാ ...പിന്നെ വിചാരിച്ചു വെറുതെ എന്തിനാ അതുംപറഞ്ഞു വീണ്ടും തെറി കേള്കുന്നത് ? അല്ലെ ?
അങ്ങനെ ഓഫീസില് എത്തിയാല് അവിടെയും കാഴ്ചകള് .... ആകപ്പാടെ കാഴ്ചമയം .... സര്ക്കാര് ഓഫീസിലെ കാഴ്ചകള് നിങ്ങള്ക്ക് അറിയാമല്ലോ .. ഒരു കാര്യം ഈ സര്ക്കാര് ഓഫീസിനെപ്പറ്റി പറയുമ്പോള് പലര്ക്കും ഒരു പുചിഷ് ലുക്ക് ആണ് , ബ്രദര് സര്ക്കാര് അല്ല പ്രൈവറ്റ് ഫേം ആയാലും ഇതൊക്കെ തന്നെയാ നമ്മുടെ നാട്ടിലെ കാഴ്ച .... ഗവണ്മെന്റ് ഓഫീസില് ഇരുന്നു ഉറങ്ങിയാല് ലവന് ജോലി ചെയ്യുന്നില്ല എന്നാ പരാതി , അത് വല്ല സ്വകാര്യ കംപനിയിലോ ഏതെങ്കിലും ആശുപത്രിയുടെ ഭരണകേന്ദ്രതിലോ ആയാല് ലവന് "സ്ട്രാറ്റജിക് തിങ്കിംഗ് " ഇലാണ് ഉറക്കമല്ല എന്നൊക്കെ അങ്ങ് പറഞ്ഞു കളയും , ഒരു കോര്പ്പറേറ്റ് വേള്ഡ് .. ഇവന്മാര് ഇങ്ങനെ ആയിപ്പോയല്ലോ എന്റെ ഒടേ തമ്പുരാനെ .....
Come join me on koottam
|
ഒന്നുമില്ല
ഇന്നലെ ഓഫീസില് പോയില്ല, ചെറിയൊരു ആവശ്യം അതും പേര്സണല്... കുറച്ചു വര്ക്ക് ഇന്ന് പെണ്ടിംഗ് ഉണ്ട്. അത് ചെയ്തു തീര്ക്കണം. യു നോ ഐ അം സ്റ്റില് ടെസ്റ്റിംഗ് മൈ മലയാളം ടൈപ്പിംഗ് സ്കില്ല്സ്..........
Monday, July 12, 2010
ഞാന് വരുന്നു
എന്റെ പ്രിയ്യപ്പെട്ട വായനക്കാരെ എന്ന് അഭിസംബോധന ചെയ്യുന്നത് തെറ്റാണ്, കാരണം എനിക്ക് വായനക്കാര് കുറവാണ്. ബട്ട് ഇനി ഞാന് എന്തെങ്ങിലും എഴുതാന് തീരുമാനിച്ചിരിക്കുകയാണ്. സഹകരിക്കുക, പ്ലീസ്..................
Subscribe to:
Posts (Atom)